Taksi sürücüsünə qarşı quldurluq edən şəxsin cinayət işi Sumqayıt Ağır Cinayətlər Məhkəməsinə göndərilib. Sumqayıt24 bu haqda bu gün, 12 mart tarixində Report-a istinadən xəbər verir.
Cinayət işi hakim Hafiz Əliyevin sədrliyi ilə araşdırılacaq. Məhkəmə iclasının baş tutacağı tarix hazırda məlum deyil.
Hadisə ötən ilin noyabr ayında Abşeron rayonu Atyalı yaşayış massivində baş verib. Ünvana çatan sərnişin üzərində olan daş ilə sürücüyə xəsarətlər yetirib. O, zərərçəkmişin mobil telefonunu götürərək gedib.
Aparılan tədbirlər nəticəsində Elbrus Məhərrəmli şübhəli şəxs qismində saxlanılıb. O, törətdiyi hadisəni etiraf edib.
