"İctimai Nəzarət Koalisiyası" İctimai Birliyinin sədri Sumqayıt şəhərində saxlanılıb. Bu haqda Report-a istinadən xəbər veririk.
Məlumata əsasən, Rasim Məmmədov 2021-ci il sentyabrın 17-də Sumqayıt şəhərində yerləşən "Azmetal" MMC-yə gələrək heç bir əsaslı səbəb olmadan oranın direktor müavini Ramiz Hüseynovun ünvanına nalayiq söyüşlər söyüb və onun çölə çıxmasını tələb edib. Çölə çıxdıqdan sonra əlindəki mobil telefon ilə MMC-nin anbardarı Sabir İsmayılovun baş nahiyəsinə 3 dəfə zərbə vuraraq ona müxtəlif dərəcəli bədən xəsarəti yetirib.
Faktla əlaqədar Sumqayıt Şəhər Polis İdarəsində müvafiq araşdırma aparılıb və R.Məmmədov şübhəli bilinərək saxlanılıb.
Onun belə əməllərindən zərərçəkmiş şəxslər varsa bu barədə DİN-in 102 Zəng-Mərkəzinə və Sumqayıt Şəhər Polis İdarəsinə müraciət edə bilərlər.
