Sumqayıtda bir əmioğlu digərini öldürməkdə şübhəli bilinir. Sumqayıt24 bu barədə 18 avqust tarixində Baş Prokurorluğa istinadən xəbər verir.
Hadisə dünən axşam saatlarında, 3-cü mikrorayon ərazisində qeydə alınıb. Məlumata görə, 36 yaşlı Fariz Şəbiyev ilə 44 yaşlı Rəşad Şəbiyev arasında mübahisə yaranıb. Nəticədə Fariz sol kürək nahiyəsindən bıçaqlanaraq qətlə yetirilib. Meyit aidiyyəti üzrə təhvil verilib.
Hadisəni törətməkdə şübhəli bilinən Rəşad isə saxlanılıb. Faktla bağlı Sumqayıt şəhər prokurorluğunda Cinayət Məcəlləsinin “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb.
