Bakı sakini Sumqayıtda iki nəfəri bıçaqlamaqda şübhəli bilinir. Bu haqda bu gün, 22 iyul tarixində APA-ya istinadən xəbər veririk.
20 iyul tarixində Abşeron rayon sakinləri O.Cəbrayılov və K.Mirzəyev bıçaqla xəsarət alıblar. Sumqayıt ŞPİ-nin 1-ci Polis Bölməsi tərəfindən aparılan tədbirlər nəticəsində onlara xəsarət yetirən şəxsin “Ford” markalı avtomobillə hadisə yerini tərk etməsi məlum olub.
Bu əməli törətməkdə şübhəli bilinən Bakı şəhər sakini R.Rəcəbov müəyyən edilərək saxlanılıb.
