Sumqayıt sakini olan narkotacir tutulub. Sumqayıt24 bu haqda 8 yanvar tarixində Daxili İşlər Nazirliyinə (DİN) istinadən xəbər verir.
Polis əməkdaşları Bakının Yeni Günəşli qəsəbəsində əməliyyat keçiriblər. Nəticədə narkotikin satışı və qanunsuz dövriyyəsi ilə məşğul olan 41 yaşlı Seymur Səfərov saxlanılıb. Onun üzərində 1 kiloqram 150 qram metamfetamin və 995 qram tiryək aşkarlanıb.
S. Səfərov narkotiki sosial şəbəkələrdən tanıdığı İran vətəndaşından əldə etdiyini, onu müxtəlif ünvanlara çatdırmalı olduğunu bildirib.
