Sumqayıtda itkin düşən 48 yaşlı Rüfət Abdullayevin ölümü ilə bağlı təfərrüatlar məlum olub. Bu haqda 14 fevral tarixində Sumqayıt24 Baş Prokurorluğa istinadən məlumat verir.
Şəhər sakini R. Abdullayevin üzərində xəsarət izləri olan meyiti Bakı-Quba magistral yolunun kənarında aşkarlanıb.
Araşdırma zamanı R. Abdullayevin aralarında yaranmış mübahisə zamanı 31 yaşlı Habil Qonşəliyev tərəfindən yumruq və təpiklə yetirilmiş xəsarətlər nəticəsində ölməsinə əsaslı şübhələr müəyyən edilib.
Faktla bağlı cinayət işi başlanıb. Habil Qonşəliyev şübhəli şəxs qismində tutulub.
İstintaq davam edir.
