Keçmiş arvadını öldürməyə cəhddə ittiham olunan Elton Hüseynovun apellyasiya şikayəti üzrə məhkəmə iclası başa çatıb. Bu haqda 11 avqust tarixində Sumqayıt24 Milli.az-a istinadən xəbər verir.
Hakim Ruhiyyə Əsgərovanın sədrliyi ilə Sumqayıt Apellyasiya Məhkəməsində keçirilən prosesdə qərar elan olunub. Qərara əsasən, onun apellyasiya şikayəti təmin edilməyib.
Bakı Ağır Cinayətlər Məhkəməsində E.Hüseynov 11 il 6 ay müddətinə azadlıqdan məhrum edilib.
Qeyd edək ki, E.Hüseynov Cinayət Məcəlləsinin xüsusi amansızlıqla qəsdən adam öldürməyə cəhd maddəsi ilə ittiham olunub. O, Şamaxı rayonunda yerləşən "Ucuzluq" mağazasında keçmiş həyat yoldaşı Xanım Teymurovaya çoxsaylı bıçaq zərbələri endirib. Onun öldüyünü düşünərək hadisə yerindən uzaqlaşıb. Xəstəxanaya çatdırılan X.Teymurovanın həyatını xilas etmək mümkün olub.
