Sumqayıtda sərnişin sürücünü bıçaqla hədələməkdə şübhəli bilinir. Bu haqda 30 iyun tarixində Sumqayıt24 Daxili İşlər Nazirliyinin (DİN) mətbuat xidmətinə istinadən məlumat verir.
Hadisə Qurd dərəsi bağlar sahəsində qeydə alınıb. “Khazar” markalı avtomobildə sərnişinin sürücünü bıçaqla hədələyərək 300 manatını talaması barədə polisə məlumat daxil olub.
Polis Bölməsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Bakı şəhər sakini, əvvəllər məhkum olunmuş Şahin İsgəndərov saxlanılıb.
Faktla bağlı Sumqayıt ŞPİ-də araşdırma aparılır.
