Sumqayıtda sürücüyə qarşı quldurluq edilib. Sumqayıt24 bu haqda 22 dekabr tarixində Daxili İşlər Nazirliyinə (DİN) istinadən xəbər verir.
Hadisə dekabrın 21-də səhər saatlarında baş verib. “Toyota” markalı avtomobildə sərnişin sürücünü aldadaraq 47 manat, daha sonra quldurluq yolu ilə 100 manat pulunu talayıb.
3-cü Polis Bölməsinin əməkdaşları şübhəli qismində şəhər sakini Rəşad Rəsulovu saxlayıblar. O, əvvəllər narkotiklərlə əlaqəli cinayətə görə məhkum olunub.
Sumqayıt Şəhər Polis İdarəsində araşdırma aparılır.
