Körpə uşağı suda boğaraq öldürməkdə şübhəli bilinən Yeşil Ahmet Turanın cinayət işi üzrə məhkəmə istintaqı başa çatıb.Bu haqda 19 iyul tarixində Sumqayıt24 Report.az-a istinadən məlumat verir.
İşə hakim Rəşad Əliyevin sədrliyi ilə Sumqayıt Ağır Cinayətlər Məhkəməsində baxılacaq.
Hadisə bu il martın 31-də H.Z. Tağıyev qəsəbəsi ərazisində dəniz sahilində baş verib. Türkiyə vətəndaşı olan 40 yaşlı Ahmet Yeşil Turanın azyaşlı övladını suda boğaraq qəsdən öldürməsinə əsaslı şübhələr müəyyən edilib.
Faktla bağlı Cinayət Məcəlləsinin “təqsirkar şəxs üçün aşkar surətdə köməksiz vəziyyətdə olan adamı öldürmə” maddəsi ilə cinayət işi başlanıb, Yeşil Ahmet Turan prokurorluğun qərarı ilə iş üzrə şübhəli şəxs qismində tutulub.
