Rüşvət üstündə tutulan Sumqayıt şəhər Məşğulluq Mərkəzinin əməkdaşı barəsində olan cinayət işinin istintaqı başa çatıb. Bu haqda bu gün, 6 yanvar tarixində Azərbaycan Respublikası Baş Prokurorluğu məlumat yayıb.
İstintaq zamanı müəyyən olunub ki, Rövşən Xəlilov həmin Məşğulluq Mərkəzində baş məsləhətçi vəzifəsində çalışan zaman tanışı Gülgün Nəsirova ilə əlbir olaraq müxtəlif şəxslərin pullarını mənimsəyiblər. Həmçinin, Xəlilov işlədiyi qurumda özgə əmlakını təkrarən israf edərək talayıb. Bundan əlavə o, saxta sənəd hazırlamaq üçün müxtəlif şəxslərdən rüşvət alıb.
Rövşən Xəlilov ümümilikdə 22.300 manat məbləğində pul mənimsəyib. Xəlilov və Nəsirovanın cinayət işi Sumqayıt Ağır Cinayətlər Məhkəməsinə göndərilib.
İstintaq zamanı Rövşən Xəlilov tərəfindən vurulmuş ziyanın tam həcmdə ödənilməsi təmin edilib.
