Sumqayıtdakı qətlin bəzi təfərrüatları açıqlanıb. Sumqayıt24 bu haqda 27 iyun tarixində Den.az-a istinadən xəbər verir.
Hadisə “Gecəqondu” məhəlləsi, ev 419-da baş verib. Öldürülən 36 yaşlı Leyla Muradovanın anası Zivər Səfiyeva bildirib ki, həmin evdə söz-söhbət həmişə olub. Hətta bu yaxınlarda anası onu boşatdıracağını deyib. Qarşı tərəf isə onu əmin edib ki, söz-söhbət bir daha olmayacaq.
Ancaq 4 il ərzində ər, Balafər Muradov mərhum Leylaya olmayan işgəncələr verib. Hətta banklardan kredit götürərək pulu öz valideyninə verib, qadını isə məcbur edirmiş ki, anası ödəsin. Ötən gün isə 36 yaşlı qadın Balafərin hərəkətlərindən təngə gəldiyini deyib.
Məlumata görə, Balafər Muradov 4 illik həyat yoldaşının başını kəsdikdən sonra qızını götürərək Cəlilabada qaçıb. Sonra isə könüllü olaraq polisə təslim olub.
