“Nikoil” ASC-nin (indiki "Yelo Bank") Sumqayıt filialının vəzifəli şəxsləri ilə bağlı keçirilən məhkəmə iclasında qərar elan olunub. Bu haqda 17 may tarixində Sumqayıt24 Pravda.az-a istinadən məlumat verir.
Ali Məhkəmədə hakim Nazim Mövsümovun sədrliyi ilə keçirilən prosesdə vəzifəli şəxslər – Ruslan Talıbov, Vüsal Qasımov, Nazim İsmayılov, Elşən Xıdırov və digərlərin barəsindəki qərardan verilən kassasiya şikayəti üzrə məhkəmə iclası başa çatıb. Qərara əsasən, şikayət təmin edilməyib.
Qeyd edək ki, Bakı Ağır Cinayətlər Məhkəməsinin hökmü ilə Ruslan Talıbov 10 il, Vüsal Quliyev və Elşən Xıdırov 9 il müddətinə azadlıqdan məhrum ediliblər. Ev dustaqlığına olan digər şəxslərə isə şərti cəza verilib.
Daha əvvəl təqsirləndirən şəxslərin kassasiya şikayətinə baxıldığı haqda məlumat vermişdik.
