Məşq zamanı 7 yaşlı uşağı öldürməkdə təqsirləndirilən idmançı Mehman Xəlilova hökm oxunub. Bu haqda 19 mart tarixində Sumqayıt24 Report.az-a istinadən məlumat verir.
Proses Sumqayıt Ağır Cinayətlər məhkəməsində hakim Fəhmin Hümbətovun sədrliyi ilə keçirilib. Hökmə əsasən, M.Xəlilov 19 il müddətinə azadlıqdan məhrum edilib.
Qeyd edək ki, prokuror təqsirləndirilən şəxsin 20 il müddətinə azadlıqdan məhrum edilməsini istəmişdi.
Xatırladaq ki, hadisə ötən ilin aprel ayında H.Z. Tağıyev qəsəbəsində, 19 nömrəli məktəbin idman zalında baş verib.
