7 yaşlı uşağı öldürməkdə ittiham olunan idman müəllimi Mehman Xəlilovun cinayət işi üzrə məhkəmə prosesi davam etdirilib. Bu haqda 14 mart tarixində Sumqayıt24 Apa.az-a istinadən məlumat verir.
Sumqayıt Ağır Cinayətlər məhkəməsində hakim Fəhmin Hümbətovun sədrliyi ilə keçirilən prosesdə təqsirləndirilən şəxsin vəkili çıxış edib. Daha sonra son söz demək üçün Mehman Xəlilova söz verilib. O, son söz demək üçün məhkəmədən vaxt istəyib.
Proses martın 19-dək təxirə salınıb.
Qeyd edək ki, dövlət ittihamçısı Mehman Xəlilovun 20 il müddətinə azadlıqdan məhrum edilməsini istəyib.
Daha öncə məhkəmə istintaqının yekunlaşması haqda məlumat vermişdik.
