7 yaşlı Fərid Bakarova ağır xəsarətlər yetirərək ölümünə səbəb olan idmançı, məşqçi Mehman Xəlilovun cinayət işi üzrə ibtidai istintaq yekunlaşıb. Bu haqda 14 avqust tarixində Sumqayıt24 Qafqazinfo.az-a istinadən məlumat verir.
İş üzrə toplanmış materiallar baxılması üçün Sumqayıt Ağır Cinayətlər Məhkəməsinə göndərilib.
İstintaq dövründə M.Xəlilovun ittihamı ağırlaşdırılıb. Belə qənaətə gəlinib ki, təqsirləndirilən şəxs zərərçəkmişi xüsusi amansızlıqla öldürüb.
Ona qarşı yekun olaraq Cinayət Məcəlləsinin “xüsusi amansızlıqla və ya təhlükəli üsulla adam öldürmə” maddəsi ilə ittiham elan edilib. Bu maddənin sanksiya həddində 14 ildən 20 ilə və ya ömürlük azadlıqdan məhrumetmə cəzası nəzərdə tutulur.
Daha əvvəl isə “Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi açılmışdı.
