Tanınmış şairi öldürməkdə təqsirləndirilən nəvəsinin cinayət işi üzrə istintaq yekunlaşıb. Bu barədə 11 oktyabr tarixində Sumqayıt24 xəbər verir.
Hadisə 25 iyun tarixində Sumqayıtda baş verib. 84 yaşlı Qənirə Mehdixanlının yaşadığı evdə ölməsi ilə bağlı prokurorluğa məlumat verilib. Araşdırma nəticəsində onu 27 yaşlı Nicat Əliyevin iplə boğaraq qətlə yetirməsinə dair əsaslı şübhələr müəyyən edilib.
Apa.az-ın məlumatına görə, hazırda təqsirləndirilən şəxs barəsində toplanan materiallar baxılması üçün Sumqayıt Ağır Cinayətlər Məhkəməsinə göndərilib. Cinayət işi hakim Hafiz Əliyevin icraatına verilib.
Qeyd edək ki, QHT rəhbəri kimi tanınan Qənirə Mehdixanlı həm də Aşıqlar Birliyinin Sumqayıt şöbəsinin rəhbəri imiş. O, Sumqayıtda 60 ilə yaxın pedaqoji fəaliyyət göstərib.
