Sumqayıtdan paytaxt istiqamətində sərnişindaşıma ilə məşğul olan iki sürücü narkotik vasitə təsiri altında olub. Bu haqda bu gün, 22 dekabr tarixində Report məlumat yayıb.
Məlumata əsasən, “Ford” markalı mikroavtobusun sürücüsü Əli Qasımov yoxlama üçün saxlanılıb. Onun narkotik vasitənin təsiri altında olduğu məlum olub. Həmçinin, Qasımovun avtomobilindən külli miqdarda marixuana aşkar edilib.
Oxşar hal eyni istiqamətdə hərəkət edən digər sürücü Rövşən Zeynalov barəsində də müəyyən edilib.
Hər iki sürücü barəsində toplanan materiallar məhkəməyə göndərilib.
