Sumqayıtda qaydaları pozan velosipedçilər və avtomobili narkotik təsiri altında sürən sürücü aşkarlanıb. Sumqayıt24 bu haqda 30 may tarixində Daxili İşlər Nazirliyinə (DİN) istinadən xəbər verir.
Dövlət Yol Polisi Şöbəsinin əməkdaşları həmin velosipedçilərə şəxsi və digər insanların təhlükəsizliyi üçün yol hərəkəti qaydalarına riayət etmələrini tövsiyə edib. 10 velosipedçi barəsində tədbir görülüb.
Həmçinin şəhər sakini Fəxrəddin İbliyev “BMW” markalı avtomobillə sürət həddini aşıb. Ona “saxla” işarəsi verilib. Sürücü buna məhəl qoymayaraq, öz hərəkətini davam etdirib və qəza törədərək digər maşına çarpılıb.
İbiyev saxlanılan zaman onun narkotikin təsiri altında olduğu müəyyən edilib. Barəsində protokol tərtib olunaraq məhkəməyə göndərilib. Qərara əsasən, sürücü 30 gün inzibati qaydada həbs olunub.
