Sumqayıtda 10 il əvvəl törədilmiş qətlin üstü açıldı. Sumqayıt24 bu haqda Baş Prokurorluğa istinadən xəbər verir.
Hadisə şəhərin Novxanı çimərliyinə aid hissəsində dənizdə, 21 iyun 2012-ci ildə baş verib. O zaman Saray qəsəbə sakini Ceyhun Bayramovun suda boğulub ölməsi faktı ilə bağlı cinayət işi başlanılmış, lakin cinayəti törədən şəxs və ya şəxslər müəyyən edilmədiyindən iş üzrə icraat 19 iyun 2014-cü il tarixli qərarla dayandırılmışdır.
Görülən istintaq-əməliyyat tədbirləri ilə 10 il əvvəl törədilmiş cinayətin üstü açılıb və Bayramovun dayısı oğlu Fuad Qasımov tərəfindən qəsdən boğularaq öldürülməsi müəyyən edilib.
Fuad Qasımov 8 fevral tarixində dindirilərkən, törətdiyi əməli etiraf edib. Bu səbəbdən onun barəsində həbs qətimkan tədbiri seçilib.
