“Əlincə” futbol klubunun prezidenti Elşad Kəlbəliyev məhkəmədə sərbəst ifadə verib. Bu haqda bu gün, 17 dekabr tarixinə Trend.az məlumat yayıb.
Hakim İlham Mahmudovun sədrliyi ilə keçirilən iclas zamanı Kəlbəliyev bildirib ki, hadisə baş vermiş gün o, "My Beach Novkani" restoranından gəlirdi və içkili deyildi. Novxanı qəsəbəsində döngələrdən birində bir neçə adam dayanmışdı.
Elşadın sözlərinə görə, dayanan adamlardan biri qəfil yola qaçdı. O da, həmin adamı vurmamaq üçün maşını sola çəkdi və digər maşına çırpıldı - “Hadisədən sonra özüm də xəsarət almışam və 15 gün özümdə olmamışam. Hadisə yerində kimin rəhmətə getdiyini bilmirəm və mən ümumiyyətlə içki qəbul etmirəm", - deyə Elşad əlavə edib.
Hakimin sözlərinə görə, ittihamda qeyd olunur ki, E.Kəlbəliyev hadisəni törədərkən sərxoş idi. Lakin, bu günədək məhkəmə tibb ekspertizasından rəy təqdim edilməyib. 23 dekabr tarixində keçiriləcək növbəti məhkəmə prosesində Elşad həkim rəyini təqdim etməlidir.
Təqsirləndirilən şəxs, 14 iyun tarixində Novxanı-Sumqayıt yolunda avtomobillə qəza törədək, 4 nəfərin ölümünə səbəb olmuşdur.
