Bakıda oğurluq etməkdə şübhəli bilinən Sumqayıt sakini saxlanılıb. Bu haqda 4 aprel Sumqayıt24 Daxili İşlər Nazirliyinin Mətbuat Xidmətinə istinadən xəbər verir.
Səbail RPİ 9-cu Polis Bölməsi əməkdaşları əməliyyat tədbirləri keçiriblər. Nəticədə müxtəlif vaxtlarda rayon ərazisində 5 nəfərin mobil telefonlarını, 3 nəfərin isə cüzdanlarını oğurlamaqda şübhəli bilinən Sumqayıt şəhər sakini, əvvəllər məhkum olunmuş Xalid Şəmsiyev müəyyən olunaraq saxlanılıb. Şəxsi axtarış zamanı ondan heroin aşkar olunaraq götürülüb.
Araşdırma aparılır.
