Sumqayıtda övladını öldürməkdə təqsirləndirilən şəxsin cinayət işi Ağır Cinayətlər Məhkəməsinə göndərilib. Sumqayıt24 bu haqda 26 iyul tarixində Baş Prokurorluğa istinadən xəbər verir.
Şəhər Prokurorluğunda başlanmış cinayət işinin istintaqı tamamlanıb. İstintaqla 1984-cü il təvəllüdlü Ahmet Turan Yeşilin martın 31-də azyaşlı övladını ağladığı üçün H.Z. Tağıyev qəsəbəsində dənizdə boğmasına əsaslı şübhələr müəyyən edilib.
Ona Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddəsi ilə ittiham elan edilib. Barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib.
