Bir neçə oğurluq törədən Sumqayıt sakini saxlanılıb. Sumqayıt24 bu barədə 19 oktyabr tarixində Daxili İşlər Nazirliyinin Mətbuat Xidmətinə istinadən xəbər verir.
Daha öncə Biləcəridə soyğunçuluq edən Sumqayıt sakininin saxlanılması haqda məlumat vermişdik. Polis əməkdaşlarının davam edən araşdırmaları zamanı Vidadi Nəzərovun digər oğurluq əməlini törətməsi də müəyyən olunub. O, Yasamal rayonu ərazisində Biləsuvar rayon sakini B.Əliyevin cibindən içərisində 780 manat və şəxsiyyət vəsiqəsi olan pulqabısını, Bakı şəhər sakini A.Səfərovanın isə içərisində pulu, bank kartları və sənədi olan pulqabısını oğurlayıb, sonradan həmin qadının bank hesabından 114 manat pulunu çıxarıb.
Faktla bağlı araşdırma aparılır.
