Sumqayıtda narkokuryer saxlanılıb.
Sumqayıt24 Daxili İşlər Nazirliyinə (DİN) istinadən xəbər verir ki, polis əməkdaşları tərəfindən saxlanılan 36 yaşlı Sakit Musayevin üzərindən və evindən ümumilikdə 50 kiloqram heroin, tərkibi psixotrop maddələrlə zənginləşdirilmiş marixuana, tiryək və metamfetamin götürülüb.
Dəfələrlə məhkumluq həyatı yaşamış Musayev narkotik maddəni şəxsiyyəti istintaqla araşdırılan İran vətəndaşından əvvəlcədən müəyyən olunmuş yerdən götürərək ayrı-ayrı ünvanlara çatdırmağı planlaşdırıb.
Araşdırmalar zamanı ortaya çıxan sübutlar S. Musayevin narkotiklərin dövriyyəsini təşkil edən şəbəkənin əsas üzvlərindən biri olduğunu təsdiqləyib. Narkoşəbəkənin digər üzvləri isə hazırda axtarılır.
Faktla bağlı Cinayət Məcəlləsinin müvafiq maddəsi ilə cinayət işi başlanıb. Məhkəmənin qərarı ilə saxlanılan şəxs barəsində həbs qətimkan tədbiri seçilib.
