Sumqayıt Şəhər Təhsil İdarəsinə özünü prokurorluğun əməkdaşı kimi təqdim edərək dələduzluq edən şəxsə cinayət işi açılıb. Bu haqda bu gün, 22 fevral tarixində Baş Prokurorluq xəbər yayıb.
Məlumata əsasən, idarəyə gələn şəxs özünü Anar kimi təqdim edib. O, Baş Prokurorluğun Mətbuat Xidmətinin, guya yeni yaradılacaq bölmələrinə ixtisasca müəllim olan namizədlər barəsində məlumatların verilməsini tələb edib. Anar 2500 manat vəsait götürərək namizədliyi irəli sürülən vətəndaşa işlə təmin olunacağı barədə vəd verib.
Keçirilən axtarış tədbirləri nəticəsində şəxsiyyəti müəyyənləşdirilmiş Süphan Tağıyev barəsində cinayət işi açılıb. İstintaq davam edir.
