Sumqayıtda qadın soyğunçuluğa məruz qalıb.
Sumqayit24.az Daxili İşlər Nazirliyinə (DİN) istinadən xəbər verir ki, hadisə yanvarın 7-də baş verib. Naməlum şəxs şəhər sakini olan 63 yaşlı qadına kömək etmək adı altında yaxınlaşaraq, ona zor tətbiq edib 30 manat pulunu və mobil telefonunu əlindən alıb.
1-ci Polis Bölməsinin əməkdaşları tərəfindən cinayəti törədən 38 yaşlı Abbas Həsənov saxlanılıb.
Araşdırma zamanı onun daha bir nəfərə qarşı dələduzluq edərək mobil telefonunu əlindən alması da müəyyən olunub.
