Qadınları cinsi istismara məruz qoyan Sumqayıt sakininə hökm oxunub. Sumqayıt24 bu haqda bu gün, 4 mart tarixində Oxu.az-a istinadən xəbər verir.
Məlumata görə, Ülviyyə Həsənova qadınları Türkiyədə yüksək məvacibli işə düzəldəcəyinə söz verərək, onları Antalya şəhərinə aparıb. Lakin sonradan onları aldadaraq orada cinsi istismara məruz qoyub.
Bu səbəbdən, İnsan Alverinə Qarşı Mübarizə Baş İdarəsi əməkdaşları tərəfindən həmin şəxs saxlanılıb. Bakı Ağır Cinayətlər Məhkəməsində verilən hökmə əsasən, Həsənova, Cinayət Məcəlləsinin bir neçə maddəsi ilə təqsirli bilinərək 8 il 3 ay müddətinə həbs olunub.
