Sumqayıtda saxlanılan hərbi hissənin növbə rəisinə hökm oxunub. Sumqayıt24 bu haqda 17 iyun tarixində Qafqazinfo.az-a istinadən xəbər verir.
Həmin şəxs - 60 yaşlı Rəcəb Xəlilov qanunsuz olaraq əldə etdiyi 100 qrama yaxın civəni 15 min manata satarkən 2021-ci ildə DTX əməkdaşları tərəfindən saxlanılmışdır. Daha sonra o, və onunla birlikdə Sumqayıtda zərgər kimi fəaliyyət göstərən və civənin satışına vasitəçilik edən Vidadi adlı şəxs həbs edilmişdirlər.
Axtarış tədbirləri zamanı hərbçinin evindəki manometrin daxilində əlavə 6 qram civə tapılıb.
Açılmış cinayət işinin materialları bir müddət əvvəl Abşeron Rayon Məhkəməsinə göndərilib. Bu ilin iyun ayında verilən hökm ilə Rəcəb Xəlilova 4 il, Vidadiyə isə 4 il 6 ay müddətinə həbs cəzası kəsilib.
