Sumqayıtda bir nəfərdən odlu silah götürülüb. Sumqayıt24 bu haqda 12 aprel tarixində Daxili İşlər Nazirliyinə istinadən xəbər verir.
Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılan Aslan Hüseynovdan 1 ədəd “Naqan” markalı tapança və 2 ədəd patron aşkar olunaraq götürülüb.
Faktla bağlı cinayət işi başlanılıb və onun barəsində həbs qətimkan tədbirləri seçilib. Hüseynovun cinayət əlaqələrini aşkar etmək üçün tədbirlər davam etdirilir.
