Sumqayıtda avtobusda qadını qarət ediblər. Sumqayıt24 bu haqda 5 may tarixində Lent.az-a istinadən xəbər verir.
Həmin qadının çantasından “Samsung Galaxy A51” markalı telefonu və telefonun arxasında olan 70 manatı oğurlanıb. 3-cü Polis Bölməsi əməkdaşları tərəfindən şübhəli şəxs qismində əvvəllər məhkum olunmuş A. Hüseynov saxlanılıb. Məlum olub ki, o, oğurladığı pullarla siqaret və digər məhsullar alıb.
Məlumata əsasən, zərərçəkən S. Abdullayevanın həyat yoldaşı sözügedən telefona zəng edib. A. Hüseynov isə mobil telefonu təsadüfən tapdığını və “Ceyran” restoranının yanında onu təhvil vermək istədiyini deyib. Lakin sözünə əməl etməyib.
Polis əməkdaşlarının gördükləri tədbirlər nəticəsində vətəndaşa dəyən ziyan tam ödətdirilib. Faktla bağlı cinayət işi başlanıb.
