Xuliqanlıqda təqsirləndirilən Rasim Məmmədova hökm oxunub. Sumqayıt24 bu haqda 7 mart tarixində Apa.az-a istinadən xəbər verir.
Sumqayıt Şəhər Məhkəməsində hakim Elçin Məmmədovun sədrliyi ilə iclas keçirilib. Özünü "İctimai Nəzarət Koalisiyası” İB-nin sədri kimi təqdim edən R. Məmmədova 2 il 6 ay müddətinə azadlıqdan məhrum etmə cəzası kəsilib.
Xatırladaq ki, QHT rəhbəri R. Məmmədov 2022-ci ilin fevral ayında həbs edilib.
İttihama görə, 2021-ci ildə o, "Azmetal” MMC-yə gələrək səbəbsiz olaraq oranın direktor müavini Ramiz Hüseynovu söyüb və çölə çıxmasını tələb edib. Ramiz Hüseynov həyətə düşdükdə isə onu yenidən təhqir edib və mobil telefonla şirkətin anbardarı Sabir İsmayılovun başına 3 zərbə vurub.
