Sumqayıtda iki nəfəri öldürmək istəyən Rafiq Kərimduxta hökm oxunub. Sumqayıt24 bu haqda 20 fevral tarixində Report.az-a istinadən xəbər verir.
Sumqayıt Ağır Cinayətlər Məhkəməsində hakim Elçin Məmmədovun sədrliyi ilə iclas keçirilib. Verilən qərara əsasən, Rafiq Kərimduxt 14 il müddətinə azadlıqdan məhrum edilib.
Qeyd edək ki, hadisə ötən ilin iyulunda şadlıq sarayında baş verib. 1954-cü il təvəllüdlü Rafiq Kərimduxt mübahisə zamanı qohumları Vahid və onun arvadı İradə Kərimduxtu bıçaqlayaraq öldürməyə cəhd edib.
Hüquq-mühafizə orqanlarının əməkdaşları kişini tutublar. Ona qarşı Cinayət Məcəlləsinin 29, 120.2.7-ci (qəsdən iki şəxsi öldürməyə cəhd etmə) maddəsi ilə ittiham irəli sürülüb.
