Sumqayıt sakini Qubada tutulub. Sumqayıt24 bu haqda 20 fevral tarixində Daxili İşlər Nazirliyinə (DİN) istinadən xəbər verir.
Quba polisi tərəfindən saxlanılan sumqayıtlı Elşən Quliyev, Bakı sakinləri Vüqar Kərimov, Eltac Quliyev, Vadim Abramov və Quba rayon sakini Tural Əliyev narkotiklərin əldə edilməsi, saxlanması, daşınması və satışında şübhəli bilinirlər.
Onların üzərində 2 kiloqramdan artıq marixuana, eləcə də 2 ədəd “Kalaşnikov” markalı avtomat, 1 ədəd tapança aşkarlanıb.
Quba RPŞ-də cinayət işi başlanıb. Məhkəmənin qərarı ilə Tural Əliyev barəsində polisin nəzarəti altına vermə qətimkan, digər şəxslər barəsində isə həbs qətimkan tədbiri seçilib.
