Sumqayıtda baş verən baltalanma hadisəsi ilə bağlı araşdırma aparılır.
DİN-in Mətbuat Xidmətinin əməkdaşı polis leytenantı Lumu İsrəfilli Sumqayit24.az-a bildirib ki, şəhər ərazisində 46 yaşlı kişiyə kəsici alətlə xəsarət yetirilməsi barədə polisə məlumat daxil olub.
Bununla bağlı ərazi üzrə polis orqanında araşdırma aparılır, müvafiq ekspertiza təyin edilib, digər zəruri tədbirlər həyata keçirilir.
Saat: 11:02
Sumqayıtda baltalanan kişinin vəziyyəti açıqlanıb.
TƏBİB-dən Sumqayit24.az-ın sorğusuna cavab olaraq bildirilib ki, 1979-cu il təvəllüdlü şəxs (kişi cinsli) 22.02.2025-ci il tarixində saat 17:50 radələrində Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub:
"Sağ təpə nahiyəsinin kəsilmiş yarası diaqnozu təyin edilən şəxsə zəruri tibbi yardım göstərilib. Vəziyyəti qənaətbəxş olan şəxs ambulator müalicə üçün evə buraxılıb".
Saat: 09:35
Sumqayıtda kişi baltalanıb.
Sumqayit24.az xəbər verir ki, hadisə Qurd dərəsi bağları ərazisində qeydə alınıb. 1972-ci il təvəllüdlü Nağı Eyvaz oğlu Qasımov aralarında baş vermiş münaqişə zəminində 1979-cu il təvəllüdlü Ramin Bahadur oğlu Quliyevə balta ilə xəsarət yetirib.
Yaralı dərhal xəstəxanaya çatdırılıb. Faktla bağlı araşdırma aparılır.
