Oğurluq törədən Sumqayıt sakini saxlanılıb. Sumqayıt24 bu barədə 20 dekabr tarixində Daxili İşlər Nazirliyinin mətbuat xidmətinə istinadən xəbər verir.
Hadisə Bakı şəhəri, Yasamal rayonunda qeydə alınıb. Rayon ərazisindəki bir köşkdən 2000 manat dəyərində tütün məmulatlarının, digər piştaxtadan isə 478 manat dəyərində quru meyvənin qeyri-aşkar şəraitdə oğurlanması barədə polisə məlumatlar daxil olub.
Keçirilən əməliyyat tədbirləri nəticəsində şübhəli bilinən Sumqayıt şəhər sakini, əvvəllər məhkum olunmuş Əli Hüseynov müəyyən olunaraq saxlanılıb.
Faktla bağlı araşdırma aparılır.
