Avtoxuliqanlıq edən sürücülər həbs olunub. Bu haqda bu gün, 15 iyul tarixində Report-a istinadən xəbər veririk.
Sumqayıt Şəhər Polis İdarəsinin əməkdaşları tərəfindən keçirilən tədbirlər nəticəsində İsmayıl Musabəyli və Azər Kərimov saxlanılıblar. Qanunpozanlar şəhər ərazisində yarış təşkil ediblər. Nəticədə onlar yol hərəkəti qadalarını davamlı şəkildə pozaraq digər hərəkət iştirakçılarının həyatına real təhlükə yaradıblar.
Sözügedən şəxslər barəsində digər sürücülər, eləcə də şəhər sakinləri çoxsaylı şikayətlər ilə aidiyyəti quruma müraciət ediblər. Musabəyli və Kərimov məhkəmənin qərarı ilə sürücülük hüququ 1 il müddətinə məhdudlaşdırılmaqla 30 gün inzibati qaydada həbs olunublar.
