Vəzifəli şəxsi öldürən Murad Kazımovun apellyasiya şikayətinə baxılıb.
Pravda.az-ın məlumatına görə, Sumqayıt Apellyasiya Məhkəməsində hakim Elman Əhmədovun sədrliyi ilə keçirilən prosesdə qərar elan olunub. Qərara əsasən, hökmdən verilən şikayət təmin edilməyib.
Qeyd edək ki, hadisə 2022-ci ilin dekabrında Sumqayıt şəhəri 9-cu mikrorayon ərazisində baş verib. 2003-cü il təvəllüdlü Murad Kazımovun 1975-ci il təvəllüdlü Mahir Allahverdiyevi öldürməsinə dair əsaslı şübhələr müəyyən edilib. Murad Kazımov saxlanılaraq istintaqa təhvil verilib. Ona qarşı Cinayət Məcəlləsinin 120.2.4 (qəsdən adam öldürmə, xüsusi amansızlıqla qəsdən adam öldürmə) maddəsi ilə ittiham elan olunub.
Sumqayıt Ağır Cinayətlər Məhkəməsinin hökmü ilə Murad Kazımov 16 il müddətinə azadlıqdan məhrum edilib.
