Saray qəsəbəsində narkotacir tutulub. Sumqayıt24 bu haqda 14 dekabr tarixində Daxili İşlər Nazirliyinə (DİN) istinadən xəbər verir.
Saray Polis Bölməsinin (PB) əməkdaşları tərəfindən saxlanılan Ağdam rayon sakini, 30 yaşlı Arzuman Məmmədovun üzərinə və idarə etdiyi “Toyota” avtomobilinə baxış keçirilib. Bu zaman 2 kiloqramdan artıq heroin və psixotrop maddə metamfetamin tapılıb.
A. Məmmədov narkotiki İnstagram-da tanış olduğu İran vətəndaşından müxtəlif ünvanlara çatdırmaq məqsədilə əldə etdiyini bildirib.
Toplanan materiallar Abşeron RPİ-nin İstintaq Şöbəsinə göndərilib. Araşdırmalar davam edir.
