Ötən gün Sarayda baş vermiş qətlin bəzi təfərrüatları məlum olub. Bu haqda 19 yanvar tarixində Sumqayıt24 Mətbuat.az-a istinadən məlumat verir.
Xəbər verdiyimiz kimi, 35 yaşlı Elvin Ələkbərov qətlə yetirilib. Cinayət əməlini törətməkdə şübhəli bilinən onun qayınatası, 49 yaşlı Tayır Tayırov saxlanılıb.
Məlumata görə, Elvin Ələkbərov xanımı ilə 2017-ci ildə ailə həyatı qurub. Bir il sonra onların qız övladları dünyaya gəlib. Ailədə tez-tez münaqişə baş verirmiş. Yanvarın 17-də axşam saatlarında Elvin həyat yoldaşını döyüb. Xəsarət alan qadın xəstəxanaya yerləşdirilib. Dünən günorta saatlarında Elvin qayınatası tərəfindən çoxsaylı bıçaq zərbələri ilə qətlə yetirilib.
