Evə silahlı basqın edilib, pul oğurlanıb. Bu haqda bu gün, 27 aprel tarixində Daxili İşlər Nazirliyinə istinadən xəbər veririk.
Məlumata əsasən, hadisə 23 aprel saat 05:00 radələrində “BTZ” bağlar sahəsində baş verib. Burada yaşayan qadının evinə 4 bıçaqlı şəxs daxil olaraq, onu hədələyib. Nəticədə silahlı şəxslər evdən 4900 manat oğurlayıb.
Əməliyyat-axtarış tədbiri nəticəsində Sumqayıt şəhər sakinləri, əvvəllər məhkum olunmuş iki nəfər - Vüqar Bəylərov və Turan Dadaşlı şübhəli şəxslər qismində saxlanılıblar.
Faktla bağlı araşdırma aparılır.
