Sumqayıtlı idmançını öldürən ata və oğlunun cinayət işi üzrə məhkəmə iclası davam etdirilib. Bu haqda Sumqayıt24 Report-a istinadən xeber verir.
Məhkəmə prosesi zamanı çıxış edən prokuror təqsirləndirilən Əhəd İsmayılovun 19 il, onun oğlu Ramil İsmayılovun isə 20 il müddətinə azadlıqdan məhrum edilməsini istəyib.
Növbəti iclas 8 oktyabr tarixinə müəyyən edilib.
Xatırladaq ki, hadisə 2017-ci ildə Sumqayıtın 21-ci məhəlləsində baş vermişdir. Həmin şəxslər söyüş üstündə 1992-ci il təvəllüdlü Rasif Həbibovu və 1988-ci il təvəllüdlü Samir Dadaşovu bicaqlamışdırlar. Hər iki yaralı xəstəxanaya yerləşdirilsə də, Həbibov dörd gündən sonra dünyasını dəyişmişdir.
