Atasını balta ilə qətlə yetirən şəxsə Sumqayıtda hökm oxunub. Sumqayıt24 bu haqda bu gün, 11 aprel tarixində Shimalnews.az-a istinadən xəbər verir.
Məlumata görə, hadisə 9 iyun 2021-ci ildə Qubanın Sofikənd kəndində baş verib. Rəvan Ramazanov yaşadıqları evin həyətində atası Sadiq Ramazanovu baltalayıb. Nəticədə sinə və baş nahiyəsindən xəsarətlər alan kişi dünyasını dəyişib. Mübahisəyə səbəb S. Ramazanovun oğlunun atını döyməsi olub.
Sumqayıt Ağır Cinayətlər Məhkəməsinin hökmü ilə Rəvan 10 il müddətinə azadlıqdan məhrum edilib.
