Sumqayıt Apellyasiya Məhkəməsində qətl törətməkdə təqsirləndirilən Saday Manafovun barəsindəki hökmdən dövlət ittihamçısının verdiyi apellyasiya protesti üzrə məhkəmə iclası başa çatıb.
Pravda.az-ın məlumatına görə, sonuncu keçirilən prosesdə qərar elan olunub. Qərara əsasən, Sumqayıt Ağır Cinayətlər Məhkəməsinin çıxardığı 11 il müddətinə azadlıqdan məhrumetmə hökmü dəyişdirilib və ona 12 il cəza təyin edilib.
İttihama görə, hadisə 21 dekabr 2023-cü il tarixdə Şamaxı Rayon Polis Şöbəsində qeydə alınıb. Belə ki, münaqişə zamanı Saday Əlismayıl oğlu Manafov xidməti silahı ilə bibisi oğlu Rəfail Qərib oğlu Feyzullayevi 8 güllə yarası ilə qətlə yetirib.
Hadisədən sonra Saday Manafov saxlanılıb və barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
