Sumqayıt Ağır Cinayətlər Məhkəməsinin hökmünə əsasən azadlıqdan məhrum olunan deputat apellyasiya şikayəti verib. Bu haqda APA-ya istinadən xəbər veririk.
Məlumata görə, sözügedən deputat, Eldəniz Səlimov, barəsində olan məhkəmə hökmündən narazıdır. Bu səbəbdən onun şikayəti Sumqayıt Apellyasiya Məhkəməsinə təqdim olunub.
Xatırladaq ki, Xaçmazda polis əməkdaşını döydüyü üçün saxlanılan Səlimov 3 il 6 ay müddətinə azadlıqdan məhrum edilib.
