Kiberüsullarla vətəndaşları talayan şəxs saxlanılıb. Sumqayıt24 bu haqda 28 sentyabr tarixində Daxili İşlər Nazirliyinə (DİN) istinadən xəbər verir.
Sumqayıt Şəhər Polis İdarəsinin əməkdaşları tərəfindən əməliyyat keçirilib. Bu zaman TikTok və İnstagram-da “n.n_telekom” adlı səhifə yaradaraq “ucuz qiymətə mobil telefonlar" başlığı altında yerləşdirilən şirnikləndirici elanlarla vətəndaşları aldadan 23 yaşlı Telman Heydərov tutulub.
O, insanların müxtəlif məbləğlərdə pul vəsaitlərini onlayn köçürmə yolu ilə ələ keçirib. Sonradan T. Heydərov izi itirmək məqsədilə ona pul köçürən şəxslərin hesablarını bloklayıb, vəsaitləri isə nağdlaşdırıb.
Hazırda T. Heydərov barəsində araşdırmalar davam etdirilir. Onun əməllərindən zərər çəkən başqa vətəndaşlar varsa, polisə müraciət edə bilərlər.
