Sumqayıt şəhər 3-cü Polis Bölməsinin əməkdaşları oğurluq edən şəxsi saxlayıb. Sumqayıt24 bu haqda Daxili İşlər Nazirliyinin saytına istinadən xəbər verir.
Məlumata görə, əvvəllər də oğurluğa görə məhkum olunmuş Bakı sakini F. Nəsirov 24 fevral tarixində, paytaxtın Sulutəpə qəsəbəsində, Qobustan rayon sakini N. Həsənovun cibindən bank kartını oğurlamaqda və orada olan 2400 manatı mənimsəməkdə şübhəli bilinir. Hadisə qəsəbədə fəaliyyət göstərən kafelərin birində baş vermişdir.
