Sumqayıt sakini paytaxtda oğurluq törətməkdə şübhəli bilinərək saxlanılıb. Bu haqda bu gün, 26 may tarixində Daxili İşlər Nazirliyinin saytına istinadən xəbər veririk.
Məlumata əsasən, hadisə Xətai rayonu, Vunq Tau küçəsindəki mağazaların birində baş verib. Buradan 2 ədəd notbuk və 10 ədəd mobil telefon oğurlanıb.
Aparılan əməliyyat nəticəsində əməli törətməkdə şübhəli bilinən Sumqayıt şəhər sakini İ. Şıxəliyev müəyyən edilərək saxlanılıb.
