Biləsuvarda 3 narkotacir saxlanılıb. Onların arasında Sumqayıt sakini də var. Bu haqda Daxili İşlər Nazirliyinin saytına istinadən xəbər veririk.
Polis əməkdaşlarının keçirdikləri əməliyyat zamanı Tərlan Dadaşzadə və daha 2 nəfərin olduğu “Toyota Prius” markalı avtomobildə 7 kiloqrama yaxın heroin, 1 kiloqram 110 qram tiryək və 500 qramdan artıq metamfetamin aşkarlanaraq götürülüb.
Faktla bağlı Biləsuvar RPŞ-də araşdırma aparılır.
