Yenilənib: saat 12:20
Bəbək Nəsirovun ailə üzvlərinin Sumqayıt24-ə verdikləri məlumata görə, o, polis əməkdaşları tərəfindən saxlanılmayıb. Əksinə, gecə saatlarında özü Polis Bölməsinə gedərək təslim olub.
—————————————————————————————————————————–
Saat 09:30
Sumqayıt sakini bir ailənin üç üzvünü bıçaqlayıb. Sumqayıt24 bu haqda 31 yanvar tarixində Report.az-a istinadən xəbər verir.
Hadisə 30 yanvar tarixində Gəncədə baş verib. 34 yaşlı Babək Nəsirov keçmiş həyat yoldaşı, 30 yaşlı Elnurə Əlimərdanova ilə mübahisə edib. Nəticədə qadını boyun nahiyəsindən, onun qardaşını, 31 yaşlı Elnur Əlimərdanovu kürəyindən, digər qohumları, 43 yaşlı Elşən Əlimərdanovu isə boyun nahiyəsindən bıçaqlayaraq qaçıb.
Zərərçəkənlər xəstəxanaya yerləşdirilib, əməliyyat olunublar. Babək Nəsirov isə polis əməkdaşları tərəfindən Sumqayıtda saxlanılıb.
